- Andrea on road - The queen, tea and me: School

Donnerstag, 13. November 2008

I'm depressed, because it was definitly not my day..

Schüelisch isch das en absolute miserable Tag xi..

Hä im Writing immer es Excellent ka und diz mal häni eifach nur es Okay (B) ka.. summs isch soo miserabel xi.. aaaaahhhhh

Mini Lüna hetschi de gebesserut we mer dHaruna xeit het was ihrusch Lehrer (Chris) xeit het.. schi hent swas zThema kä , uber Haunted Houses (Geischterhüüs)

Ufall fäll hensch da druber biz gredut und nachr seit doch der Chris nid, dass Eurocentre (mini Schüel) sienta öi es Haunted House sige.. Da löife so en blondi, faltige Geischt durch zHischi (dAnne!!!!!!, di blöd lehreri wa nid nid mag) HAHA, hämi fashc nime erholt.. Der Chris isch e strenge Lehrer, aber es wahrs Genie! Und Humor hets öi..

Nachr bini mit dr Yoko ine ThomasSaboShop.. Und emabu - vorallem weni so 1-2 Pint Schääändy ha ka, geit mer zredu sehr güet.. und de hetmi doch nid eine gfrägt wanich in England sige gebore/bzw. üfgwagse :D

Ah und nu epis wa mini Lüna üfbesserut, hä ez nid numu Ubernachtigsmeglichkeite in China (Shanghai), Japan (Kyoto, Tokyo), Korea (Seoul), sondern öi in Salvador in Brasilie :D Hurraaaa :D

Schad das Neuseeländer und Australier Englisch redunt ;-)

Current mood:

Skeptisch

Mittwoch, 15. Oktober 2008

It will be never forget..

Äs Wort wa nisch sicher allne iner Klass blibt, und wawer garantiert alli nimme so schnäll vergässu isch: Blue movie!

Chaschmu öi Porno sägu!

Mu lert hie wirkli fer zLäbu:D

Current mood:

Alles klar

Dienstag, 14. Oktober 2008

Funny day

Hitu heiwers wirkli witzig kä iner schüel! zHitig Thema isch um Amerikanischi Fernsehserie gangu. Sind hie pfellig es paar wa zglicha lüegunt wien ich: "heroes", "desperatare Housewives", "Grey's Anatomie", "Lost", "24".. Leider häni der eint oder ander Spoiler, fa der eint oder ander Serie xe.. Aber jesses, da erwartut nisch nu einiges :D

De heiwer nu Momänt so epis ähnlichs wie "Musicstar" glosut.. Hä de dum Lehrer xeit äs selle bitte abstelle, ich kriege "Ear Cancer" (Ohrechräbs). Der armu het schi fasch nime erholt, äs het wirkli um di 7min am Stuck ghöirut und glachu, und di Bira was de grissu het! Haha, das wärdi so schnäll nime vergässu!

Ez häni hitu nu gat zHostel, bzw. zBed&Breakfast welle reservieru, aber daschmer nid gat so gangu wieni ha welle, aber das besprächi gschidr mal gat zersch mit du Eltru :D

Und ja, wier hei ändli ischi Lehrera zrug, Alexis und Joel. Nur der Alexis schint nid wirkli erholt zsi.. Häs nämli gfrägt wie schini Ferie sind xi und äs het nur gmeint "Rubbish".. Well!

Das mal zer Schüel!

Mittwoch, 1. Oktober 2008

Bad, bad news

S'Darf NID wahr si....

Mägeder cha bsinnu:

"Hitu isch der Alexis nid da xi (Lehrer).. So en blödi alti Chüeh hetnisch unerricht gigä! Dummerwis häni nam Unerricht zer Marianne (fa Brasilie) xeit, ich hoffu di heiwer nieme ..blablabla... Dummerwis isch dander Tampa hiner mier gstandu! Bad Luck! Hoffu ez eifach mal schi heige nix kert, und we doch, hoffi daswer nieme mit ihra Schüel hei :D "

Negscht Wucha isch där 2. Lehrer (Joel) nid da :'-(

Ich find das nid nätt und öi nid luschtig!

Current mood:

Fies

Donnerstag, 25. September 2008

That's the way the cookie crumbles

So langsam weissi wie der Hasu löift.. Eml so + - .... Nur das mim Wäschu müessi de nu lüegu.. Wellti nid gat wäschu währund schi chocht (Wäschmaschina isch iner Chuchi)

Tjaaa ich schribu ersch ez widr.. Wier hei hüeru polli Hüsüfgabe! Aber dasch scho güet eso, will susch hengiwer zWeekend öi!

Geschter bini zerschtusch mal heimgluffu! Satti 2h später bini deheime achu, bi aber nu a cup of tea ga trichu und schnäll ne Supermarket (Notfallpäckli: wie Fricht, Coca und so Tuc) Hitu numal und hitu bini hüeru shcnäll gluffu und hä immernu 1h ka! Isch biz blöd dasi so absits wohnu, will hengi geschter mit spaarne user Klass welle ins Pub ga (Mina, Jeongmi Lee, Marco..)Janu negschmal de.. Letscht Bus emabu geit glöibs so um di zähne/halbe 11...

Ja und was isch susch nu so.. Hitu isch der Alexis nid da xi (Lehrer).. So en blödi alti Chüeh hetnisch unerricht gigä! Dummerwis häni nam Unerricht zer Marianne (fa Brasilie) xeit, ich hoffu di heiwer nieme ..blablabla... Dummerwis isch dander Tampa hiner mier gstandu! Bad Luck! Hoffu ez eifach mal schi heige nix kert, und we doch, hoffi daswer nieme mit ihra Schüel hei :D

Fröiju mi sehr,.. Kaum zu glauben, letschte Sunntag hengi das nie xeit, hengi öi nid gwisst was machu! More gani mit der Astrid (CH) und der Emiko (Japan) biz zCambridge menand..Hei am Namitag frii.. Welle unneranerum mal zTrinity College etc. ga alüegu! More därfti also so + - d'erschtu Fotos entstah! Samstag gani uf London! Und Sunntag evt. uf Oxford! Je nachdem! zKuuhla isch, dass schich da alli ischriebu chänunt nid nur deigund klass. So lertmu numal nöiji Lit kenne. Weiss nur das afa dEmiko chunt.. Schi isch kuuhl..

Ez heiwer hitu nu zOktober Programm berchu! Schad, dass mit der Schüel alls so tiir isch! güet zWuchunänd (11.-12. Okt) wärdi sehr warschinli öi mitmachu.. (Bath & Stonehenge) aber fer Edinburgh wellensch umgrächnut 300Fr :-S isch biz tiir!

Last but not least, ich müess ez leider vorwärts machu! Darf satti 3 Briefa schribu! Der Jeongmi Lee het xeit iner Schüel heis en Drucker.. Ich hoffes ez mal, will fa Hand zschribu häni nu gat weniger Luscht und so müessi öi kei Werter zellu! Der Unerricht isch öi ganz witzig im allgmeinu (wenn nid di Chüeh unerrichtut) dLehrera sind kuuhl und wissunt fa wasch dasch redunt..

Current mood:

Alles klar