Andrea on road - The queen, tea and me

Geschter häni flott gfülänzut..bi wirkli küm zem Näscht üsa! Het aber mal richtig güet gita! Das wärs de öi scho fam Samstag :D

Hitu: Hitu bini uf Brighton, shetmer gfallu da, aber der Tag het leider nid so güet agfangu:

Hite morgu häni küm zem Näscht üsamegu! Irgendswie hänis de doch gschafft und bi de aber zspat dra xi, fer nu zFrüehstück znä.. Hä nid welle das dandra uf mich müess warte.. Güet, 7.20 bini am vereinbartu Ort gstandu und hä ufi Kollegi gwarte..Kei Kollegi menand.. 10min später bini de elei witergluffe... Bi de epis zFrüeh da xi, aber dasch scho güet eso xi.. d'Andra isch de genau pünktlich igetrudlet.. Mini Lüne sind de nime gat di beschte xe.. Hä schi de gfrägt wasch geblibu isch.. Ihrusch Gaschtmüetter het verschlafu. Okay, aber warum müess ihrusch Gaschtmüetter wach si, damit schi chat ga? Hä de nagfrägt und zer Antwort berchu: "Ja schi hetmer doch zFrüehstück miesse machu".. Hallooo????????????? Hä mi de nid chäne beherrschu und hä schi gfrägt, obsch de nid alti gnüeg sige das sälber zmachu! Isch doch wahr, bi schliessli me odr weniger äxtra wägs ihra ohni Früehstück usem Hischi! 

Nachr hänschi gfrägt wieso daschmer geschter nid gschribu heige (hei zäme ind dStadt welle, brüche ändli es britisch Natelnummer) hä de zer Antwort berchu, ah schi sige xi, mit de andru 2 Gastgschwischterti.. De hänmi definitiv üfgregt..Hä schi bis jez uberall gfrägt obsch welle mitchu etc. Aber so epiis! Güet, dasi öi ohni schi zrächt chumu! 

Ufall fäll siwer de in Brighton xi und shet GLEEESCHT und gwindu was het megu!!!! Absolut genial! Hä de gli paar Pictures fam Brighton Pier gmacht, öi we di Kamera der eint oder ander Rägutropfu verwitscht het! Küm bini voll in minum Elemänt xi, het de dandra öi scho Hunger ka (Hallo schi het Früehstück ka und ich nid?!) Hetra swie nid rächt gipasst wasi vorgschlagu ha, dasi de eifach schi ha la entscheidu! De hetsch xeit schi welle ins Sea Life! Super sach, aber so epis chame machu weme 4täg ner Stadt isch und nid weme nur 1 Tag da isch, bi schliessli gangu fer ga Brighton azlüegu!!!! Hä ra de xeit, ich chämegi da nid mit, stiegemerleid aber das ziege mer wirkli nix! Hetmer de widr der Grind gmacht, aber häs de ignoriert.. Hei de zäme zMittag gässu und de bin ich elei losmaschiert.. Bi GÄTSCHNASS xi, aber ich hä Brighton xe und mier gfallt Brighton..Ha sogar zeint oder ander aständig Photo hikriegt. Der Royal Pavillion isch ja unglaublich! Aber unmegli alls uf es Bild drufzbringu!! Bi de mal ins Starbucks und ines paar Shops biz menand fer mi üfzwärmu.. Na dem dasi spaar Sache wani nu gebrücht ha, köift ha und mini Fotos ha ka ismer de widr rächt güet gangu! Bi de im Starbucks mitra Engländeri ins Gspräch chu und mine Tag isch grettute xi.. Ze 5 bini widr ne Bus, dandra isch de öi widr chu(schi isch 3mal durch zSeaLife, willschnime gwisst het was machu)!

Ich fröiju mi druf more mit paar Koreaner chäne ga zbowlu! Da isch hegschtens nu 1 Wiberli derbi und 2. verstani di nidmal rächt, wägsem Akzänt :D Hä das gat hie miesse nidrschribu, hetmi nämli wirkli üfgregt! Und ma cha ja nid nur 3Monat rund um die Uhr glücklich sii!!!! Ufall fäll häni widr swas glert,.. ich cha mine Wäg öi sälber, bzw. mit andre ga! So epis brüchi nid numal! 

Ah und nu en positive Näbueffekt het da ganza ka; ich weiss jez wiemu uf Englisch cha giftig si :D